Velkommen til Språkdagen 2021: Lov laga

Språkrådet arrangerer Språkdagen 9. november – på ein skjerm nær deg.

Når den nye språklova trer i kraft ved nyttår, får språkbrukarane i Noreg lovfesta rettar, og det offentlege får plikter. Kunnskapssektoren har eit stort ansvar for det norske språket. Språkvala verksemdene i sektoren gjer, har stor rekkevidde i samfunnet. Kva treng dei for å kunne oppfylle krava som lova stiller? Kva treng skulen for å kunne gje nynorskelevar like god undervising og dei same digitale moglegheitene som bokmålselevar får? Og kva rammer kan vere med på å sikre det norske fagspråket i akademia når forskingsmiljøa er internasjonale?

Sjå Espen Aas frå Dagsnytt 18 stille spørsmål og krevje svar frå politikaren, læraren, skuleeigaren og skuleforskaren i debatt om rettane til nynorskelevane. Og høyr kva professoren, Kunnskapsdepartementet, Forskingsrådet og Universitets- og høgskolerådet vil gjere for å sikre norsk fagspråk for framtida.

Kultur- og likestillingsminister Anette Trettebergstuen avsluttar dagen.

Dato: 9. november
Tid: 9.00–11.30

Program for Språkdagen 2021: Lov laga
9.00–9.10	Rikets tilstand, ved Åse Wetås, direktør i Språkrådet
9.10–9.25	Språklova på 1-2-3, ved jurist Sofie Høgestøl
9.25–9.40	Kva konsekvensar får språklova? Intervju med Høgestøl, ved Espen Aas
9.40–9.45	FILM: Reportasje om statusen til nynorsk i opplæringa
9.45–10.10	DEBATT: Rett på nynorsk Marit Knutsdatter Strand, nestleiar i utdannings- og forskingskomiteen på Stortinget Kristin Takvam Rekve, leiar for grunnskulane på Voss, Voss herad Liv Astrid Skåre Langnes, lærar, Nasjonalt senter for nynorsk i opplæringa Marte Blikstad-Balas, professor ved Institutt for lærarutdanning og skuleforsking, Universitetet i Oslo Debattleiar: Espen Aas
10.10–10.25	PAUSE
10.25–10.30	FILM: Reportasje om behovet studentane har for tilgang til norsk fagspråk i utdanninga
10.30–11.00	DEBATT: Ingen fag å miste! — Slik sikrar vi norsk fagspråk for framtida Oddmund Løkensgard Hoel, statssekretær i Kunnskapsdepartementet Sunniva Whittaker, styreleiar i Universitets- og høgskolerådet Mariel Aguilar-Støen, professor ved Senter for utvikling og miljø, Universitetet i Oslo Kristin Danielsen, områdedirektør for internasjonalisering og forskingssystemet, Forskingsrådet Debattleiar: Espen Aas
11.00–11.15	SPRÅKPOLITISK KVARTER – samtale om språkpolitikk i kunnskapssektoren Hege Nilssen, direktør i Utdanningsdirektoratet Harald Nybølet, divisjonsdirektør i Direktoratet for høgare utdanning og kompetanse Åse Wetås, direktør i Språkrådet
11.15–11.30	AVSLUTNING ved kultur- og likestillingsminister Anette Trettebergstuen

Del denne siden